حيرة ايام الخطوبة :gif_44:
اذا حاولت تبوسها تبقى راجل قليل الادب
واذا ما حاولتش ماتبقاش راجل اصلا
اذا غازلتها تبقى خلبوص ومالكش امان
واذا ما غازلتهاش تبقى اعمى ومعندكش نظر
اذا زرتها كتير تبقى تقيل ولحوح
واذا مازرتهاش تبقى مش مهتم بيها ومش بتحبها
اذا كنت بتلبس شيك تبقى بتاع مناظر ومقطع السمكة وديلها
واذا كنت مش شيك تبقى معفن ومالكش لزوم
اذا جبت لها هدايا كتير تبقى بتحاول تشتريها بفلوسك
واذا ما جبتش هدايا تبقى بخيل وجلدة
اذا غيرت عليها تبقى قفل
واذا ما غيرتش عليها يبقى دمك بارد او معندكش دم اصلا
ايام الخطوبة
أجمل ما في الخطوبة العزايم الرومانسية
المخطوبين بيروحوا على أحلى مطاعم في البلد وأخر انسجام
!! وادي دقني لو العروسة حتشوف مطاعم تاني بعد الزواج !!
المهم يا أنستي العزيزة ،، لو ربنا فك عقدتك و اتخطبتي
اول حاجة
الشوكة والسكينة
لازم تعرفي الله يكرم اصلك
الشوكة تتمسك من ايدها من الطرف .. مش من الوسط ولا من البوز
وبطلي افلام الرعب الي بتشوفيهم .. مش خنجر هو
2
:: الخبز ::
لا تفضحينا وتقطعيه باسنانك
!! و لا تقطعيه نصين بايديكي وكل نص وابلع .. اوعي
الخبز بتقطع بالسكينة في الطبق .. وبعدين تاخدها لقمة لقمة وتاكليها بالعافية
!! قال يعني نفسك مسدودة
واضغطي على اعصابك شوي لحد ما تروحي بيتكم وهناك خدي راحتك زي ماانتي عايزة
3
:: الشوربة ::
أبوس كعب رجلك .. البند ده اهم حاجة
الشوربة تتشرب من غير صوت خالص . ومن غير ما تقعدي تنفخي فيها
!! زي القهوجي الي بنفخ الحجر للزبون
اهم شي بالملعقة وبدون صوت .. حتى لو تكون سخنة، مولعة، برضه بدون صوت
ولا تنسي تسيبي تلت الطبق مليان
ولا تميليه ع طرفه وتلعبي استغماية
مع أخر نقطة في الطبق
4
:: الرز ::
الرز طبعا يتاكل بالشوكة
إوعي تمدي ايدكي ع المعلقة وتغرفي من الطبق وتعبّي !! إوعي
الرز بالشوكة .. وكأنك بتبوسيه مش بتاكليه
5
:: المكرونة الاسباجيتي ::
برضه بالشوكة .. تتلف على طرف الشوكة
لحد ما تخلص وبعدين في بقك في هدوء ومن سكات
مش تشفطيلنا المكرونة عود عود
6
:: السمك ::
هو السمك مشكلة شوي
ركزي معي لتعرفي كيف تفصلي اللحم عن الشوك
بتقطعي اللحم من النص بالطول .. وبعدين افردي اللحم ع الناحيتين
وبس تخلصي ناحية لا تقلبي السمكة .. بلاش فضايح
شيلي السلسلة بالشوكة والسكينة وحطيها في جنب الطبق
وكملي النص التاني
ولا اقولك .. بلاش الفيلم الهندي دا كله
بلاها اكلة السمك .. قولي ما بحبش السمك وريحي حالك
7
:: الجمبري ::
اذا بتعرفيه يعني
اول ما ينزل صحن الجمبري .. بصّيله كدا من تحت لتحت
قال يعني زهقانة من كتر اكل الجمبري الجامبو في بيت الحج
الله يخليهولك .. واتنهدي بصوت عالي وقولي
هو انت تاني يا جمبري .. انت ورايا ورايا
و تروحي قاطعة راس الجمبري بالشوكة .. بليز انا في عرضك
انسي المصمصة في الجمبري خصوصا
8
:: البطاطس ::
سواء مسلوقة ولا محمرة
لا تهرسيها وترميها ع صحن الرز وتلغّي .. لا كدا غلط
بالشوكة وشوي شوي زي ما تكوني راح تبكي من كتر ما
البطاطس صعبانة عليكي يا عيني
9
:: الفاكهة ::
لو الفاكهة فيها بزر .. بتطلعيه من بقك بشويش
وتحطيه بايديكي وهي مقفولة .. و في طفاية السجاير الي ع الطاولة
وانسي نظام التفتفة .. مش وقته
10
:: النهاية ::
بس تخلصي أكل
تحطي ايدك ع بطنك -اللي عصافيرها بتزمّر من العينات الي شميتيهم
وتقولي مش قادرة ، مش ممكن .. اول مرة اكل بفجعة كده
قدامي اسبوع مش هبص على الأكل
وبعدين تمسكي الفوطة اللي دايما محطوطة ع الطاولة
بلا اهمية وتبوسيها .. قال يعني بتمسحي بقك
وبعدين استأذني عشان تصلحي الميك أب .. وتروحي التواليت
وطّلعي من شنطة ايديكي ساندويتش طعمية و شوية زتون وفحل بصل وقرن فلفل .. وبالهنا والشفا
